Danimarka süni intellektin yaradacağı təhlükələrə qarşı qanun dəyişikliyinə gedir. Danimarka hökuməti süni intellektin yarada biləcəyi təhdidlərə qarşı hüquqi tədbirlər görməyə başlayıb. İnsanların üz xətlərini, vücud görüntülərini və səslərini istifadə edərək feyk videolar, görüntülər yaratmaq son zamanların ən populyar olaylarından biridir. Bəzən hamımızın tanıdığı məşhurlar, bəzən siravi insanlar, bəzən isə heç var olmamış insanların görüntülərindən absurd şəkildə isitfadə olunduğunu dəfələrlə görmüşük. Bəs bu görüntülər bizim gələcəyimiz üçün təhdid hesab olunur mu? İnsan haqları, məhrəmiyyət bu gündəmin hansı tərəfində qalır? Danimarka hökuməti suni intellektin bu formada istifadəsinin qarşını almaq üçün tədbirlərə başlayır. Onlara görə hər bir insan öz şəxsi üz cizgiləri, bədən görünüşü və səsi üzərində haqq sahibidir və icazəsiz bu şəkildə istifadə yolverilməzdir. Mövcud hökumət bunun üçün “dijital kimlik” deyə yeni bir sistem hazırlamaq və bu sistemi qanun layihəsi çərçivəsinə salmaq fikrindədirlər. Nazirlik bu mövzuda ciddi addımlar atmağı planlaşdırır və üzümüzə gələn payızda bu təklifi milli məclisə təqdim etməyi düşünür. Danimarka mədəniyyət Naziri Cakob Engel Şmidtin bu mövzuda fikirləri belədir: “Bu layihə hərkəsə kəskin mesaj ötürəcək. Biz qanun layihəsi ilə razıyıq və bu, hər kəsin öz bədəni, öz səsi və öz üz ifadələri hüququna malik olduğuna dair aydın mesaj göndərir. Görünür, mövcud qanun insanları bu şəkildə generativ süni intellektdən qorumur. İnsanlar rəqəmsal surətçıxarma maşınından keçə və hər cür məqsədlər üçün sui-istifadə edilə bilər və mən bunu qəbul etməkdən imtina edirəm." “The Guardian”-nın verdiyi məlumata görə artıq 10 millət vəkilindən 9-nun bu qərarı dəstəklədiyi deyilir. Yeni çıxan qanun insan haqlarını müdafiə etsə də, qanunlar tapdalanmadan yumor, parodiya və sarkazm kimi paylaşımlara icazə veriləcək. Texnologiya platformalarının bu qanunların tələblərinə cavab vermədikləri halda ciddi məbləğdə cəza ala biləcəyi söylənilir. Qaynaq: https://www.theguardian.com/technology/2025/jun/27/deepfakes-denmark-copyright-law-artificial-intelligence