Threads Hesabı Açmazdan Əvvəl Məxfilik Şərtlərinə Baxmısan? Onu sənin üçün daha qısa və anlaşılan etdik. 1. Threads Instagram hesabına bağlıdır Threads-də ayrıca hesab yaratmaq olmur. Qeydiyyat üçün mütləq Instagram hesabınız olmalıdır. Deməli, Threads avtomatik olaraq Instagram profilinizdəki məlumatları ötürür və paylaşır: Ad və soyad İstifadəçi adı Profil şəkli Bio İzlədiyiniz insanlar və sizi izləyənlər Doğum tarixi və cinsiyyət Təsdiq statusunuz (mavi işarə və s.) 2. Toplanan əlavə məlumatlar Threads siz platformaya daxil olduqca və ondan istifadə etdikcə aşağıdakı məlumatları da toplayır: Cihaz məlumatları (model, sistem versiyası, IP və s.) Yer məlumatları (təqribi geolokasiya) Baxdığınız məzmunlar, kliklədiyiniz linklər Əlaqə siyahısı (icazə verilsə) Bildirişlərə reaksiyalarınız Səslə axtarış funksiyası və ya səsli məzmunlar (icazə verilsə) 3. Meta bu məlumatlarla nə edir? Meta (Threads + Instagram + Facebook) bu məlumatları aşağıdakı məqsədlərlə istifadə edir: Reklamlar: Sizi maraqlandıra biləcək məhsul və xidmətləri göstərmək Alqoritm təkmilləşməsi: Hansı paylaşımları görəcəyinizə qərar vermək Təhlükəsizlik və saxta profillərlə mübarizə Xidmətin analizi və inkişafı Bəzən üçüncü tərəflərlə paylaşım (Meta-nın tərəfdaş şirkətləri ilə) 4. Threads hesabını silmək... o qədər də asan deyil Threads hesabını ayrılıqda silmək olmur. Yalnız Instagram hesabınızı tamamilə sildikdə, Threads hesabı da silinir. Bu da bir çox istifadəçidə narahatlıq yaradır.