WhatsApp hər şeyi oxumur, amma çox şeyi bilir. Mesajlar doğrudan da şifrəlidir? Bəli! WhatsApp-da yazdığın və qəbul etdiyin mesajlar “end-to-end encryption”, yəni ucdan-uca şifrələmə ilə qorunur. Bu o deməkdir ki: • Heç kim, hətta WhatsApp özü də, sənin mesajlarının məzmununu oxuya bilməz. • Bu şifrəni yalnız sən və qarşı tərəf "aça bilir". WhatsApp hansı məlumatları toplayır? WhatsApp mesajlarını oxumur lakin, bəzi məlumatları tələb edir. Həmçinin özü bəzi məlumatlar yığır. Bunlar: • Telefon nömrən • Profil şəkli, ad, bio, status • Kimə nə vaxt yazırsan (zaman damğası) • Qrup fəaliyyətin (aktivlik səviyyəsi) • Söhbətin uzunluğu (amma məzmunu görmür) • Telefon modeli, batareya səviyyəsi • IP ünvanın və cihazdan yer təxminləri • İnternet bağlantı tipi (Wi-Fi, mobil) Məlumatlarını necə qoruya bilərsən? WhatsApp sənə bəzi məxfilik ayarları verir. Gedib baxsan, çoxunu özün tənzimləyə bilərsən: • Last seen & Online – kimin gördüyünü tənzimlə • Read receipts – mavi işarəni söndürmək (görüldü oxu) • Profile photo / About / Status – kimlərə açıq olduğunu tənzimləməyə bilərsən WhatsApp-da Nüsxələmə (Backup) Nədir və Niyə Vacibdir? Nüsxələmə nə deməkdir? “Nüsxələmə” – sənin WhatsApp yazışmalarının, şəkillərinin, videolarının və səs yazılarının bir kənarda saxlanılmasıdır. Əsas məqsədi odur ki: • Telefon dəyişsən, məlumatların itməsin • Tətbiq silinsə, sonra bərpa edə biləsən • Təsadüfən mesajları silsən, geri qaytara biləsən WhatsApp nüsxəni harada saxlayır? Bu, sənin telefon sistemindən asılıdır: • Android istifadəçiləri üçün: Google Drive-da saxlanılır • iPhone (iOS) istifadəçiləri üçün: iCloud-da saxlanılır Yəni, nüsxə WhatsApp-un özündə yox, Google və ya Apple serverlərində olur.