Scroll Etdikcə İz Qoyursan — Meta Hansı Addımlarını Yığır? Meta — lüğətimizə yeni daxil olsa da hərkəsə məlum olan uzun müddətdir hər platformada qarşımıza çıxan söz. Instagram, WhatsApp, Threads və daha bir neçə sosial platformanı idarə edən nəhəng bir şirkətdir. Yəni sən bu tətbiqlərdən birinə girəndə, əslində Meta ilə “gizli müqavilə” bağlayırsan. O da sənin məlumatlarını toplayır, analiz edir və öz sistemlərində istifadə edir. Meta Səndən Nə İstəyir? Meta (yəni Facebook, Instagram, WhatsApp, Threads, Messenger birlikdə) bizdən çoxsaylı məlumatlar toplayır. Bu məlumatlar üç əsas qrupa bölünür: Profil və Şəxsi Məlumatlar Bunlar sən tətbiqdə qeydiyyatdan keçəndə özün verdiyin məlumatlardı: Ad, soyad Doğum tarixi Telefon nömrəsi və ya e-mail Profil şəkli və bio Cins (gender), yerləşdiyin ölkə və dil Fəaliyyət və İstifadə Məlumatları Sən tətbiqlərdə nə qədər çox vaxt keçirirsənsə, Meta da sənin davranışlarını analiz edir: Hansi postları bəyənirsən və ya şərh yazırsan Kimləri izləyirsən Nə qədər vaxt hansı kontentə baxırsan Hansı profillərə girirsən Axtarış tarixçən Cihaz və Texniki Məlumatlar Meta sənin cihazın haqqında da bir xeyli şey öyrənir (hətta sən deməsən belə): Telefonun modeli, əməliyyat sistemi IP ünvanı (yerləşdiyin əraziyə işarə verir) İnternet bağlantısı (Wi-Fi, mobil data və s.) Brauzer və tətbiq versiyası Məlumatlar Platformalar Arasında Paylaşılır Meta-nın tətbiqləri (məs: Instagram → Facebook → WhatsApp) bir-biri ilə əlaqəlidir. Yəni: Facebook-da etdiyin bəyəni → Instagram’dakı reklamı dəyişə bilər Threads-də kimləri izlədiyin → Instagram təkliflərinə təsir edir Məlumatlarla nə edəcək? Maraq dairənə uyğun reklam təqdim edir. Hansı postlarla daha çox maraqlanırsansa ona əsasən səni xarakterizə edir. Uyğun kontenti və hesabları qarşına çıxarır. Messenger-də yenisən? Meta artıq səni tanıyır amma. Əsasən insanlar Facebook endirdikdən sonra Messenger hesabına ehtiyac hiss edirlər. İlkin olaraq, Facebook hesabı yaradıldıqda Meta artıq sənin maraq dairəni təxmin etmiş olur. Bu məlumatları Messenger ilə bölüşür. Çünki, hər ikisi Meta platformasıdır. Messenger bizdən hansı məlumatları istəyir? Əsas Məlumatlar: • Ad, profil şəkli, doğum tarixi, cinsiyyət • Telefon nömrəsi (əgər əlavə etmisənsə) • Facebook hesabına bağlı məlumatlar Davranış Məlumatları: • Kimə yazırsan, nə vaxt yazırsan • Kimlərlə ən çox əlaqə qurursan • Söhbətlərində media, emoji, link paylaşımı • Qrup fəaliyyəti, reaksiya tezliyi Texniki Məlumatlar: • Cihaz növü, IP ünvanı, batareya vəziyyəti • Yer məlumatı (GPS və ya şəbəkəyə əsasən) • İnternet bağlantı növü Kamera və Mikrofon: • Video və səsli zəng funksiyaları üçün kamera və mikrofon icazəsi • Story (günlük paylaşım) üçün şəkil və video girişi Bu məlumatlarla nə edir? • Kontent təkliflərini fərdiləşdirmək üçün • Spam və zərərli fəaliyyətləri aşkar etmək üçün • Facebook, Instagram və WhatsApp ilə uyğunlaşdırmaq üçün Məlumatları necə idarə edə bilərsən? Messenger ayarlarında bəzi məxfilik tənzimləmələri var: “Privacy” bölməsində: • Active Status – kimlər sənin “online” olduğunu görə bilər • Message Delivery – kim sənə mesaj yaza bilər • Blocked People – kimləri bloklamısan? • Story Privacy – kimlər statusunu görə bilər